Avstraliya İttifaqının General-qubernatoru Piter Kosqroyvdan

19 may 2015, 12:00

Zati-aliləri,

28 May - Respublika Günü münasibətilə Avstraliya hökumətinin və xalqının adından, şəxsən öz adımdan ən xoş arzularımı Azərbaycan hökumətinə və xalqına çatdırmaq istərdim.

Avstraliya ilə Azərbaycan arasında ticarət və sərmayə sahələrində artan imkanlarla bərabər, sıx ikitərəfli əlaqələr mövcuddur. Mayın əvvəlində Bakıda keçirilən Asiya İnkişaf Bankı Rəhbərlər Şurasının toplantısı ilə əlaqədar Avstraliya parlamentinin üzvü, maliyyə nazirinin parlament üzrə katibi Maykl Makkormakın Azərbaycana səfəri ölkələrimiz arasında ticarət əlaqələrinin daha da inkişaf etdirilməsi üçün bir addım idi.

Bu ilin iyun ayında Bakıda keçiriləcək birinci Avropa Oyunlarına hazırlıq və tikinti işlərinə Avstraliya şirkətlərinin cəlb edilməsindən olduqca məmnunuq. Azərbaycana Avropa Oyunlarına ev sahibliyi işində uğurlar, həmçinin qarşıdan gələn demokratik parlament seçkilərində uğurlar arzu edirəm.

Zati aliləri, icazə verin ölkələrimiz arasındakı dostluq münasibətlərinin növbəti illərdə də inkişaf edəcəyinə inamımı ifadə edim.

Dərin ehtiramla,

Piter Kosqroyv

Avstraliya İttifaqının General-qubernatoru

SƏNƏDLƏR Fərmanlar 28 mart 2024
14:39
“Avtomobil yolları haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2024-cü il 23 fevral tarixli 1101-VIQD nömrəli Qanununun tətbiqi və “Avtomobil yolları haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2000-ci il 10 mart tarixli 299 nömrəli Fərmanında dəyişiklik edilməsi haqqında Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 19-cu və 32-ci bəndlərini rəhbər tutaraq, “Avtomobil yolları haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2024-cü il 23...

28 mart 2024, 14:39
SƏNƏDLƏR Fərmanlar 27 mart 2024
14:10
Azərbaycan Respublikası Prezidentinin 2017-ci il 25 dekabr tarixli 1760 nömrəli Fərmanı ilə təsdiq edilmiş “Azərbaycan Respublikasının İpoteka və Kredit Zəmanət Fondunun Nizamnaməsi”ndə dəyişiklik edilməsi haqqında Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, “Qiymətli kağızlar bazarı haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2023-cü il 6 iyul...

27 mart 2024, 14:10