“Sberbank” Publik Səhmdar Cəmiyyətinin prezidenti, İdarə Heyətinin sədri German Qrefdən

30 dekabr 2016, 16:10

Azərbaycan Respublikasının Prezidenti Zati-aliləri cənab İlham Əliyevə

Hörmətli İlham Heydər oğlu.

Sizi 55 illik yubileyiniz münasibətilə səmimi qəlbdən təbrik edirəm.

Azərbaycan Respublikasının firavanlığı naminə Sizin çoxillik yorulmaz əməyiniz ən yüksək hörmətə layiqdir.

Sosial-iqtisadi və siyasi sahələrdə çoxsaylı nailiyyətlər Sizin uğurla həyata keçirdiyiniz məqsədyönlü və uzaqgörən siyasətin nəticəsidir. Yaşadığımız mürəkkəb siyasi və iqtisadi sarsıntılar dövründə ən mürəkkəb məsələlərin həllinə Sizin konstruktiv yanaşmanız beynəlxalq birlik üçün xüsusi əhəmiyyət kəsb edir.

Əminəm ki, Sizin güclü iradəniz, strateji baxışlarınız və siyasi təcrübəniz çoxsaylı qələbə və zəfərlərin rəhni olacaq, bundan sonra da Azərbaycan Respublikasının dinamik inkişafına xidmət edəcək. Qoy müdriklik və taleyüklü qərarlar qəbul etmək bacarığı bütün çətinliklərin aradan qaldırılması yolunda həmişə Sizin ən yaxşı məsləhətçiniz olsun, nikbinlik və həyat enerjisi buna kömək etsin.

Hörmətli İlham Heydər oğlu, Sizə səmimi qəlbdən möhkəm cansağlığı, uzun ömür, bütün təşəbbüslərinizdə uğurlar, etibarlı dostlarınızın və məsləkdaşlarınızın daimi dəstəyini, yaxınlarınıza xoşbəxtlik və firavanlıq arzulayıram.

Hörmətlə,

German Qref

“Sberbank” Publik Səhmdar Cəmiyyətinin prezidenti,

İdarə Heyətinin sədri

SƏNƏDLƏR Fərmanlar 28 mart 2024
14:39
“Avtomobil yolları haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2024-cü il 23 fevral tarixli 1101-VIQD nömrəli Qanununun tətbiqi və “Avtomobil yolları haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2000-ci il 10 mart tarixli 299 nömrəli Fərmanında dəyişiklik edilməsi haqqında Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 19-cu və 32-ci bəndlərini rəhbər tutaraq, “Avtomobil yolları haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2024-cü il 23...

28 mart 2024, 14:39
SƏNƏDLƏR Fərmanlar 27 mart 2024
14:10
Azərbaycan Respublikası Prezidentinin 2017-ci il 25 dekabr tarixli 1760 nömrəli Fərmanı ilə təsdiq edilmiş “Azərbaycan Respublikasının İpoteka və Kredit Zəmanət Fondunun Nizamnaməsi”ndə dəyişiklik edilməsi haqqında Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, “Qiymətli kağızlar bazarı haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2023-cü il 6 iyul...

27 mart 2024, 14:10