Rusiya Federasiyası Tatarıstan Respublikasının Prezidenti Rüstəm Minnixanovdan

05 yanvar 2017, 17:50

Azərbaycan Respublikasının Prezidenti Zati-aliləri cənab İlham Əliyevə

Hörmətli İlham Heydər oğlu.

55 illik yubileyiniz münasibətilə ən səmimi təbriklərimi qəbul edin.

Sizə, nüfuzlu dövlət xadiminə tatarıstanlılar adından və şəxsən öz adımdan səmimi ehtiramımı bildirmək və Tatarıstana xeyirxah münasibətinizə görə təşəkkür etmək üçün bu xoş fürsətə görə çox şadam. Tatarıstan-Azərbaycan əməkdaşlığının uğurlu inkişafı Rusiya-Azərbaycan münasibətləri çərçivəsində qarşılıqlı faydalı layihələrin praktiki reallaşdırılması işinə Sizin dəstəyinizin nəticəsidir. Konstruktiv qarşılıqlı fəaliyyətin gələcəkdə də davam edəcəyinə ümid bəsləyirik və inanırıq ki, bu fəaliyyət Rusiya və Azərbaycan xalqları arasında əlaqələrin və ümumi sülhün möhkəmlənməsinə də kömək edəcək.

Sizə möhkəm cansağlığı, xoşbəxtlik, Azərbaycan xalqının rifahı naminə gələcək səmərəli fəaliyyətinizdə tükənməz enerji və nikbinlik arzu edirik. Qoy, Sizin doğma ölkənizdə və beynəlxalq aləmdə böyük nüfuzunuz Azərbaycanın inkişafının və onun bütün vətəndaşlarının firavanlığının rəhni olsun.

Zati-alinizə dərin ehtiramımı, Sizə və yaxınlarınıza ən xoş arzularımı qəbul edin.

Hörmətlə,

 

Rüstəm Minnixanov

Rusiya Federasiyası Tatarıstan Respublikasının Prezidenti

SƏNƏDLƏR Fərmanlar 28 mart 2024
14:39
“Avtomobil yolları haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2024-cü il 23 fevral tarixli 1101-VIQD nömrəli Qanununun tətbiqi və “Avtomobil yolları haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2000-ci il 10 mart tarixli 299 nömrəli Fərmanında dəyişiklik edilməsi haqqında Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 19-cu və 32-ci bəndlərini rəhbər tutaraq, “Avtomobil yolları haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2024-cü il 23...

28 mart 2024, 14:39
SƏNƏDLƏR Fərmanlar 27 mart 2024
14:10
Azərbaycan Respublikası Prezidentinin 2017-ci il 25 dekabr tarixli 1760 nömrəli Fərmanı ilə təsdiq edilmiş “Azərbaycan Respublikasının İpoteka və Kredit Zəmanət Fondunun Nizamnaməsi”ndə dəyişiklik edilməsi haqqında Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, “Qiymətli kağızlar bazarı haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2023-cü il 6 iyul...

27 mart 2024, 14:10