Nuridə Səfərlidən, Masallı, Azərbaycan

Möhtərəm cənab Prezident,

Azərbaycan Sizin rəhbərliyiniz ilə dinamik inkişaf edir, dünya ölkələri arasında öz nüfuzunu gündən-günə artırır. Xüsusilə qeyd etməyi özümə borc bilirəm ki, respublikamızın hər bir regionunda böyük abadlıq-quruculuq işləri görülür.

Həmçinin ölkə vətəndaşları onların müraciətlərinə vaxtında baxılmasından və lazımı qaydada cavablandırılmasından, qaldırılan məsələlərin həll edilməsindən razıdırlar.

Cənab Prezident, yaşadığımız küçənin təmiri ilə bağlı müraciətimizə də tez bir zamanda baxıldı və məsələ qısa müddətdə müsbət həllini tapdı.

Rayonumuza göstərdiyiniz diqqət və qayğıya, görə Sizə təşəkkürümü və dərin minnətdarlığımı bildirirəm. 

Hörmətlə,

Səfərli Nuridə Ədalət qızı.

Azərbaycan Respublikası, Masallı rayonu.