18:53
Gürcüstanın Baş naziri Giorgi Kvirikaşvilidən
14 sentyabr 2017, 16:50Azərbaycan Respublikasının Prezidenti Zati-aliləri cənab İlham Əliyevə
-Zati-aliləri.
İcazə verin, Sizi “Azəri” və “Çıraq” yataqlarının, eləcə də Xəzər dənizinin Azərbaycan sektorunda “Günəşli” yatağının dərinsulu hissəsinin səmərəli işlənilməsində əldə edilmiş böyük irəliləyiş münasibətilə Gürcüstan Hökuməti adından təbrik edim. İnanıram ki, birgə işlənilmə və Hasilatın Pay Bölgüsü Sazişinin uzadılması tarixi əhəmiyyət daşıyır və Azərbaycanın qlobal enerji təchizatçısı kimi özünü doğrultmaqda davam etdiyini göstərir.
Keçmişə nəzər salaraq görürük ki, Azərbaycan və Gürcüstan enerji sahəsində sıx əməkdaşlığa başladılar. Hər iki ölkə Türkiyə ilə birgə strateji tərəfdaşlığı uğurlu şəkildə qurdu və Cənubi Qafqaz qaz boru kəməri (CQBK), Bakı-Tbilisi-Ceyhan (BTC) və Bakı-Tbilisi-Supsa neft boru kəmərləri kimi qarşılıqlı fayda gətirən enerji layihələri həyata keçirdilər. İllər boyu “Azəri-Çıraq-Günəşli” yataqlarında hasil olunan xam neft Bakı-Tbilisi-Ceyhan boru kəməri ilə Aralıq dənizinə və Bakı-Supsa neft kəməri ilə Supsaya ixrac olundu. Gürcüstan etibarlı tranzit ölkəyə çevrildi.
Həmin layihələrin reallaşması göstərir ki, enerji bizim üçün yoxsulluğun azaldılmasında və regional iqtisadi artımın təşviq edilməsində mühüm ilkin şərtə çevrildi. Bu əsasla “Azəri-Çıraq-Günəşli” yataqlarına aid hər hansı irəliləyiş iqtisadi tərəqqini əks etdirir və siyasi əhəmiyyətə malikdir.
Etibarlı tranzit ölkə olaraq və Azərbaycanı strateji tərəfdaş kimi tanıyaraq, Gürcüstan bu cür çox mühüm hadisəni xüsusi alqışlayır və ümid edir ki, əməkdaşlığımız bundan sonra da genişlənəcək və güclənəcək. Biz, həmçinin ümid edirik ki, birgə enerji layihələrinin həyata keçirilməsi Azərbaycanda neft və qaz yataqlarının işlənilməsi əsasında genişlənəcək.
Sizə olan ən yüksək hörmət və ehtiramımı bir daha ifadə edir və ən səmimi təbriklərimi qəbul etməyinizi xahiş edirəm.
Səmimiyyətlə,
Giorgi Kvirikaşvili
Gürcüstanın Baş naziri
18:53
17:49
13:39
13:23
13:06
Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, “Azərbaycan Yerüstü Nəqliyyat Agentliyinin fəaliyyətinin təmin edilməsi və Azərbaycan Respublikası Prezidentinin “Azərbaycan Respublikasının...
24 aprel 2024, 13:0613:04
Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, “Təhsil haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2023-cü il 9 iyun tarixli 906-VIQD...
24 aprel 2024, 13:0413:02
Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 6-cı bəndini rəhbər tutaraq qərara alır:
Azərbaycan Respublikası Mülki Prosessual Məcəlləsinin (Azərbaycan Respublikasının...
24 aprel 2024, 13:0213:00
Azərbaycan Respublikası Konstitusiyasının 109-cu maddəsinin 23-cü bəndini rəhbər tutaraq qərara alıram:
Azərbaycan Respublikasında informasiya təhlükəsizliyinin təmin edilməsi sahəsində uzunmüddətli...
24 aprel 2024, 13:0012:25
11:44
11:33
14:08