Zərrintac Cahangirovadan, Bakı, Azərbaycan
Möhtərəm cənab Prezident.
Mənim övladım – 9-cu sinif şagirdi Cahangirzadə Cavidan "Ölkəmizi tanıyaq" layihəsi çərçivəsində bu il noyabrın 13-dən 16-dək keçirilən tur-aksiyada iştirak edib. Bu tur-aksiya Azərbaycanın qədim tarixinin, zəngin mədəniyyətinin, adət-ənənələrinin öyrənilməsi baxımından mühüm əhəmiyyət daşıyır və şagirdlərin məktəbdə qazandıqları nəzəri biliklərin möhkəmləndirilməsi, dünyagörüşünün artırılması baxımından əvəzedilməz əhəmiyyətə malikdir.
Səyahət dövründə təşkil edilən intellektual yarışda Cavidan 3-cü yeri tutub. O, döndükdən sonra sinif yoldaşları, müəllimləri ilə təəssüratlarını, sevincini bölüşdü. Mənim övladım da daxil olmaqla, şagirdlərin belə bir tur-aksiyada iştirakına şərait yaratdığınıza görə Sizə təşəkkürümü bildirirəm.
Hörmətlə,
Cahangirova Zərrintac Teymur qızı.
Azərbaycan Respublikası, Bakı şəhəri, Xətai rayonu.