Azərbaycan və Xorvatiya prezidentlərinin geniş tərkibdə görüşü olmuşdur

11 mart 2013, 15:30
Azərbaycan və Xorvatiya prezidentlərinin geniş tərkibdə görüşü olmuşdur

Təkbətək görüş başa çatdıqdan sonra Azərbaycan Prezidenti İlham Əliyevin və Xorvatiya Prezidenti İvo Yosipoviçin nümayəndə heyətlərinin iştirakı ilə geniş tərkibdə görüşü olmuşdur.

Xorvatiya Prezidenti İvo Yosipoviç əlaqələrimizin siyasi, iqtisadi, mədəni sahələrdə uğurla inkişaf etdiyini bildirdi. İqtisadi sahədə əlaqələrimizin inkişafı üçün yaxşı potensialın olduğunu deyən Prezident İvo Yosipoviç enerji, mədəniyyət və turizm sahələrində münasibətlərin genişləndirilməsinin vacibliyini vurğuladı.

İvo Yosipoviç Ermənistan-Azərbaycan, Dağlıq Qarabağ münaqişəsinin beynəlxalq hüquq normaları çərçivəsində həllinin Xorvatiya tərəfindən dəstəkləndiyini bildirdi.

Azərbaycana səfərini məmnunluqla xatırlayan İvo Yosipoviç xalqımızın qədim tarixə və zəngin mədəniyyətə malik olduğunu bildirdi və həmin səfərdən zəngin təəssüratlarla ayrıldığını qeyd etdi.

Prezident İlham Əliyev bildirdi ki, Azərbaycan-Xorvatiya əməkdaşlığı siyasi, iqtisadi və digər sahələrdə inkişaf edir.

Dövlətimizin başçısı ölkələrimiz arasında iqtisadi əlaqələrin genişləndirilməsinin və əməkdaşlığın yeni sahələrinin müəyyən edilməsinin önəmini vurğuladı.

Enerji sahəsində fəal əməkdaşlığın olduğunu deyən Prezident İlham Əliyev qeyd etdi ki, Avropanın enerji təhlükəsizliyinə töhfə verən Azərbaycan ilə Xorvatiya arasında bu sahədə əlaqələrin genişləndirilməsi vacibdir.

Nəqliyyat sahəsində əlaqələrin perspektivlərinin yüksək olduğunu deyən Prezident İlham Əliyev mədəniyyət və turizm sahələrində əməkdaşlığın inkişaf etdiyini və yeni layihələrin həyata keçirilməsinin planlaşdırıldığını bildirdi.

Ermənistan-Azərbaycan, Dağlıq Qarabağ münaqişəsi barədə ətraflı məlumat verən Prezident İlham Əliyev Ermənistanın Azərbaycana təcavüzünün davam etdiyini bildirdi, beynəlxalq hüquq normalarına məhəl qoymayan Ermənistanın münaqişənin həlli ilə bağlı qeyri-konstruktiv mövqe nümayiş etdirdiyini söylədi.

Prezident İlham Əliyev qarşılıqlı investisiyaların qoyulması baxımından ölkələrimiz arasında fəal əməkdaşlığın olduğunu dedi və gələcəkdə konkret layihələrin həyata keçirilməsinin vacibliyini vurğuladı.

Görüşdə ikitərəfli əlaqələrin bundan sonra da inkişaf edəcəyinə əminlik ifadə edildi.

gallery-photogallery-photogallery-photo
SƏNƏDLƏR Fərmanlar 28 mart 2024
14:39
“Avtomobil yolları haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2024-cü il 23 fevral tarixli 1101-VIQD nömrəli Qanununun tətbiqi və “Avtomobil yolları haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2000-ci il 10 mart tarixli 299 nömrəli Fərmanında dəyişiklik edilməsi haqqında Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 19-cu və 32-ci bəndlərini rəhbər tutaraq, “Avtomobil yolları haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2024-cü il 23...

28 mart 2024, 14:39
SƏNƏDLƏR Fərmanlar 27 mart 2024
14:10
Azərbaycan Respublikası Prezidentinin 2017-ci il 25 dekabr tarixli 1760 nömrəli Fərmanı ilə təsdiq edilmiş “Azərbaycan Respublikasının İpoteka və Kredit Zəmanət Fondunun Nizamnaməsi”ndə dəyişiklik edilməsi haqqında Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, “Qiymətli kağızlar bazarı haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2023-cü il 6 iyul...

27 mart 2024, 14:10