Cəlil Qasımovdan, Şəki, Azərbaycan

08 fevral 2018, 15:50

Hörmətli Mehriban xanım,

Prezident İlham Əliyevin apardığı məqsədyönlü siyasət iqtisadiyyatımızın sürətli inkişafını təmin edib, vətəndaşlarımızın sosial-iqtisadi rifahını daha da yüksəldib. Qazanılan uğurlarda ölkənin Birinci vitse-prezidenti, birinci xanım və Heydər Əliyev Fondunun prezidenti olaraq Sizin də əməyiniz danılmazdır. Özünüzü bütövlükdə ölkəmizin inkişafına, xalqın sosial rifahının yüksəlməsinə, təhsilinə, sağlamlığına, mədəniyyətimizin və musiqimizin beynəlxalq aləmdə tanıdılmasına həsr etmisiniz. Bununla bərabər, xeyirxah, nəcib işlər görməklə kifayətlənmir, daim xəstələrə, köməksizlərə, əlillərə, ahıllara, qocalara dayaq olursunuz.

Şəhid atası olsam da, bu illər ərzində heç kimdən heç nə ummamışam. Dövlətimiz tərəfindən ailəmiz ev də daxil olmaqla hər şeylə təmin edib. Amma bu yaxınlarda düşdüyüm vəziyyət məni Sizə müraciət etməyə vadar etdi. İkinci oğlum ağır xəstələndi, ayaqları tutuldu, yeriyə, işləyə bilmədi. Onu Bakı şəhərinə müayinəyə göndərdim. Xəstəxanada həkimlər bildirdilər ki, oğlumun hər iki ayağı əməliyyat olunmalıdır. Əməliyyat üçün mənim imkanım daxilində olmayan vəsait tələb olunurdu.

Ona görə də Sizə müraciət edərək oğlumun müalicəsinə kömək göstərməyinizi xahiş etdim. Müraciətimdən 10 gün keçməmiş evimizə zəng edildi və bildirildi ki, tezliklə müayinə və müalicəsi üçün oğlum Bakı şəhərinə dəvət olunacaq. Bir müddətdən sonra oğlumu Bakıya dəvət etdilər. Sizin tapşırığınız, diqqətiniz və nəzarətinizlə oğlumu Bakıdakı klinikaların birinə yerləşdirdilər. Oğlum sol ayağından əməliyyat olundu. Hazırda o, evdədir və sağ ayağının əməliyyat olunması üçün iki aydan sonra yenidən Bakıya aparılacaq.

Hörmətli Mehriban xanım, ailəmizə etdiyiniz köməyə, verdiyiniz dəstəyə, bəxş etdiyiniz sevincə görə Sizə, ailənizə və komandanıza minnətdarlığımı bildirirəm. Allah Sizin kimi nəcib işlər görən bir insanı bizə çox görməsin.

Arzu edirəm ki, 2018-ci il Sizə, xalqımıza uğurlar gətirsin, torpaqlarımız işğaldan azad olunsun.

Hörmətlə,

Qasımov Cəlil Məmmədəli oğlu.

Azərbaycan Respublikası, Şəki rayonu.

SƏNƏDLƏRSərəncamlar18 may 2018
18:35
Muzey işi sahəsində çalışan bir qrup şəxsə Azərbaycan Respublikasının “Əməkdar mədəniyyət işçisi” fəxri adının verilməsi haqqında Azərbaycan Respublikası Prezidentinin Sərəncamı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:

Azərbaycan Respublikasında muzey işi sahəsində uzunmüddətli səmərəli fəaliyyətlərinə görə aşağıdakı şəxslərə Azə...

18 may 2018, 18:35
XƏBƏRLƏRMətbuat xidmətinin məlumatı18 may 2018
16:30
Qırğız Respublikasının Prezidenti Sooronbay Jeenbekov Azərbaycan Respublikasının Prezidenti İlham Əliyevə telefonla zəng edib

Mayın 18-də Qırğız Respublikasının Prezidenti Sooronbay Jeenbekov Azərbaycan Respublikasının Prezidenti İlham Əliyevə telefonla zəng edib.

Söhbət zamanı dövlət başçıları Azərbaycan Respublikası ilə Qırğız Respublikası arasında əməkdaşlığa dair aktual məsələləri müzaki...

18 may 2018, 16:30